XIX Campamento Urbano ’24
A Asociación Centro Xuvenil Abeiro presenta o seu XIX CAMPAMENTO URBANO “Un urbano perseguindo o tempo”.
Destinatarios
- Nenas e nenos nados entre os anos 2011 e 2017
Datas e Horarios
- do 29 de xullo ao 9 de agosto
- de luns a venres en horario de 9:30 a 13:30 horas
Inscricións
- Esta actividade é totalmente de balde
- Podes realizar a túa inscrición ata o 21 de xullo premendo no enlace que aparece arriba
O Campamento Urbano trátase dunha actividade de balde dirixida a nenas e nenos que por diversas razóns, pasan as súas vacacións na cidade da Coruña.
É un campamento con catro características fundamentais: aberto, gratuíto, na cidade e con continuidade.
Con esta proposta pretendemos que as nenas e nenos descubran a cidade de A Coruña dun xeito diferente e por último darnos a coñecer e animalas/os xunto ás súas familias a continuar participando das nosas actividades o resto do ano.